..::banana village::..

Banana Village, Malaysia, Pagi yang sempurna, dua orang sekawan kejumpahan mengupi di warung Pak Munawir tampat "zombie kampung pisang" belakun, sorang namanya Awie, and yang sorang namanya Samsul, dangan selamba, Awie behabar arah si Samsul pasal kematian si Kai, kemarin behari...

Awie : ada ko mendangar si Kai mati kemarin behari yow?

Samsul : eawah, ada pulang ku mendangar tu, cemana bulih atu kan?

Awie : Inda, ia atu kan kerumah ku wa tu, iatah masanya kan sampai, brakenya inda makan, iatah telumpat kretanya tekana stable, landing masuk ngam-ngam kebilik me tingkat 2..

Samsul : Ouhhh kesian jua ah, cematu rupanya ia mati...

Awie : Eh alum lagi ia mati tu, sampat ia keluar dari keretanya, habis wah bedarah-darah tekana ceramin pacah ah, iatah masanya keluar atu, bepigang ia arah almari ku yang basar atu, iatah tumbang almari ah arah nya..thimpit ya wah, habis wah patah mematah tulang batisnya bekeluaran..

Samsul : Ouhhhh kesian jua ah, cematu rupanya ia mati..

Awie : Inda eh, alum lagi habis tu, dapat lagi ia melapaskan dari tehimpit atu yow!! tapi just after ia lapas, rupanya rapuh udah lantai bilik ku ah, iatah tegugur ia kebawah menerubus landing ngam didapur tampat tambak memasak.

Samsul : Ouuhhh sadis eh, cematu rupanya matinya!!

Awie : Ehhh alum lagi ia mati tu, he managed to bangun balik tapi ketumpahan aying panas ia yang mendidih didapur ah, habis bah hangus kulitnya kan seluruh badan..

Samsul : booowwhh,, cematu rupanya matinya.. kesian ehh!!

Awie : Ehhh inda eh, hidup ia masih tu, sampat lagi ia bangun bagas kana aying panas ah, iatah ia tetarik wire telipun siring meja makan ah, apalagi, tekaran ia wah, tangannya lagi basah kuyup.. 1,000 volt kali ah..

Samsul : Ouuuhh.. kali ani ta, ia mati tu eh, kesian banar!!

Awie : Ehhh alum lagi tu eh... hidup ia masih tu yow...

Samsul : hold on now!! mun semua ia kan selamat, baik tah ko gtau cemana ia mati..!!

Awie : ko tau apa? aku timbak ia pakai senapang gajah!!

Samsul : ahhhhh?? ko timbak?? kenapa ko timbak??

Awie : Sasak ku waa.... hancur rumah ku ulihnya!!!


[source:aku ambil dri blog bro zack(dj plngi fm)..ikhlas mngikhlaskn lah kita ssama mkhluk ALLAH ane..ikhlas bro aa??..jan mare => ..apa kta faizal'af4'...SENYUM SOKMO LAH!!.. => ]